ТА БҮХЭНД АРБИТРЧ Д.ОРОСООГ ТАНИЛЦУУЛЖ БАЙНА

Монголын Хуульчдын холбооны гишүүн хуульч, Өмгөөлөгчдийн холбооны гишүүн Д.Оросоо нь 2020 оноос эхлэн Монголын Олон Улсын Арбитрын Арбитрчаар ажиллаж байна.

Д.Оросоо арбитрчийн ажлын туршлагын хувьд: Хуульч, өмгөөлөгч Д.Оросоо нь хуульчийн мэргэжлээр 20 гаруй жил ажиллаж байгаа бөгөөд тэрээр төр захиргаа, бизнес, өмгөөллийн ажлын туршлагатай, хүний эрхийн чиглэлээр мэргэшсэн судлаач, нийтлэлч юм.

Тэрээр:

• 2000-2002 он, ННФ, "Глоб интернэйшнл" ТББ-ын "Хэвлэл мэдээллийн эрх зүйн шинэтгэл" төслийн хуульч.
• 2002-2011 он, ХЗДХЯ-ны харъяа Хууль зүйн Үндэсний хүрээлэн, эрдэм шинжилгээний ажилтан, багш
• 2006-2012, 2016-2021 он, Өмгөөлийн "Эрх зүйн гүүр" фирмийн Гүйцэтгэх захирал, өмгөөлөгч.
• 2005-2006 он, ХЗҮХ, УДШ, Жайка-ийн "Эрх зүйн шинэтгэл, туслалцаа" төслийн хамтран хэрэгжүүлсэн "Монгол улсын шүүхийн шийдвэрийн эмхтгэл" төслийн багийн ахлагч, хуульч.
• 2008-2010 онд "Говь" ХК-ийн Төлөөлөн удирдах зөвлөлийн гишүүн, ТУЗ-ийн дарга.
• 2010-2011 он, Хүний Эрхийн Үндэсний комиссын Үндэсний зөвлөх.
• 2013-2015 он, Шүүхийн сахилгын хорооны гишүүн.
• 2012-2016 он, Нийслэлийн Баянгол дүүргийн Засаг дарга.
• 2012-2016 он, Нийслэлийн Иргэдийн төлөөлөгчдийн хурлын төлөөлөгч, Тэргүүлэгч, Хууль зүй, төрийн байгуулалтын хорооны дарга.
• 2016-2021 он, Хууль зүйн мэдээлэл, судалгааны хамтын ажиллагааны нийгэмлэгийн Гүйцэтгэх захирал.
• 2016-2020 он, Нийслэлийн Баянгол дүүргийн ИТХ-ын төлөөлөгч.
• 2017-2019 он, УИХ дахь АН-ын бүлгийн Хуулийн бодлогын зөвлөх.
• 2018-2019 он, АТГ-ын дэргэдэх Олон нийтийн зөвлөлийн гишүүн
• 2018-2020 он, Монгол Улсын Ерөнхийлөгчийн Хуулийн бодлогын зөвлөлийн гишүүн.
• 2018-2021 он, Монголын Хуульчдын холбооны Удирдах зөвлөлийн гишүүн.
• 2020 он, Монголын олон улс судлалын "Алтан аргамж холбоо" ТББ-ын гишүүн.
• 2020 он, УИХ-ын дэд даргын зөвлөх.

Хэвлэн нийтлүүлсэн бүтээл, судалгааны ажил:

• Хүний эрх, эрх чөлөө, алдар хүнд, нэр төрийн эсрэг гэмт хэрэг, сургалтын гарын авлага, УБ, 2007 он, хамтран зохиогч;
• Мэдэх эрх-Үзэл бодлоо илэрхийлэх эрх чөлөө, УБ, 2005 он, хамтран зохиогч;
• Нэр төр, гүтгэлэг" УБ, 2005 он, хамтран зохиогч;
• "Монгол Улсын шүүхийн шийдвэрийн эмхтгэл", цуврал 1, цуврал 2 зэрэг шүүхийн шийдвэрийн эмхтгэлийн эмхтгэгч, 2006 он, ХЗҮХ, УДШ, Жайка-гийн "Эрх зүйн шинэтгэл, туслалцаа" төсөл;
• "Захиргааны хэргийн шүүхийн баримт бичиг", "Захиргааны хэргийн шүүхийн шийдвэрийн үр дагавар" зэрэг ном, бүтээлийн хамтран зохиогч;
• "Үндсэн хуульд өөрчлөлт оруулах журам" нийтлэл, "Өнөөдөр" сонин, 2015.8.4, № 176.
• "Шүүхийг гадуурхсан улсын төсөв" нийтлэл, "Эрх мэдлийн гажуудал", "Ерөнхийлөгчийг "номхотгох" Үндсэн хуулийн өөрчлөлт", "Намын эрхт ёс" зэрэг нийтлэл, baabar.mn, 2021 он.
• Нээлттэй нийгэм форумын санхүүжилтээр "Худал мэдээлэл тараах гэмт хэргийг хянан шийдвэрлэж буй шүүхийн практик" судалгааны ажил, 2021 он.